Європейсько-унійноє фіаско з правами нацменшин.


По другоє, кедь Бруссель хоче вказовати на дефіциты демокрації в окремых членьскых державах, на принципы правової державы, пак бы мала йти Європейська комісія прикладом. Не думаю, же є то добрый приклад, кедь евродепутаты, значить тоты, котрі достали мандат прямо од людей на выборах, проголосують за дашто, але урядницька комісія то не мать за нич.
По третє, пока ся нихто в Унії не є способный поставити за ініціативу, котра сповнила вшиткі условія и была одголосована европарламентом, пока нихто релевантный одшмарëваня той ініціативы комісійôв не скритикує и не буде жадати, жебы тото рішеніє оправити, и зохаблять роль єдиного покровителя корінных меншын в Європі режиму Віктора Орбана, пак даремно будуть з Брусселя вказовати на демократичны дефіциты в Мадярьску. Орбанова влада буде мати симпатії у дакотрых гражданôв Європы и вдяка тому. Най веце, кедь при тій нагоді Сіярто вытігать карту нелеґальной міґрації, котра так само не є вшиткым Європанам симпатична.
Єден из словацькых новинарів, котрый о проблематіці ініціативы Minority SafePack приготовив статтю, написав, же то дійсно закончится фіаском. Но кедь же є фактом, же веце требованій є властно и мимо той ініціативы в членськых країнах Унії вже реалітôв, лем не буде єдинство европейського законодательства-леґіслатівы, можеме спокійно констатовати, же тото дійсно не є фіаском народностных меншин, але є фіаском Європейськой Унії.
Она сама, пока ся не змінить, може такыма кроками програти саму себе, и пункты будуть збирати тоты, котрых днесь критикує.

За джерелами https://www.lem.fm/evropske-fiasko/

Добавить комментарий

Ваш адрес email не будет опубликован. Обязательные поля помечены *

Translate »