Миколай Ляш – ниґда не быв згодный з комуністічнов ідеолоґійов і українізаційов Русинов.
Він називав ся Русином і втогды, коли офіціально не існовали, і не каждый мав одвагу бисідовати о тім.
Йсе ся стало 1-го януара 2023-го року коли Словацька републіка припомянула собі округлу 30-ту річніцю од свого выникнутя.
Офіціальне запрошіня достали і представителі русиньской народностной меншыны.
Участныма были – Петро Медвідь і Мілан Ян Піліп, як членове презідіи Округлого стола Русинів Словакіи і єдночасно членове Выбору про народностны меншыны і етнічны ґрупы Рады влады Словацькой републікы про людьскы права, народностны меншыны і родову рівность.
З нагоды річниці републікы Презідентка як найвысшый констітуційны дѣятель републікы нагородила державныма нагородамы 28 людей з области політикы, културы, наукы, уменя, активізму, котры дали вклад до доброго імени Словакіи дома і заграніцьов..
Миколай Ляш свого часу быв головным спікером Бархатної революціи в Пряшові, председателем Русиньской оброды Словакіи, русиньскым актором.
Миколай Ляш быв нагороджены за вынятковы заслугы о демокрацію і їй розвиток, також за участь при кодифікаціи русиньского языка, як і за розвиток Словацькой републікы в области уменя і в соціальной области.
Схосноване матеріалы:
https://www.lem.fm/author/petro/
Цілы матеріал читайте на сайті:
https://www.lem.fm/mikolaj-lyash-nahorodzhenyj-ordenom-lyudovita-shtura/?fbclid=IwAR3-xQ9Eg8edR03xrugElqwZVur_vhzitrMEaK2B_nE37wrGNL8zn2DOEXo
Схосноване фото:
https://dennikn.sk/blog/1654509/november-89-v-presove-alebo-kum-dyna-co-robil-revoluciu/
