Заявленіє (Выголошіня) Світовой рады Русинôв односно ситуації на Украйині, поддержанноє Закарпатськым областным подкарпато-русинськым обществом имени Кирила и Мефодія.

Приносиме вам Заявленіє (Выголошіня) Світовой рады Русинôв односно ситуації на Украйині, котроє прийняли члены ра́ды на своюм засіданію в Переґу Маре, в Румунії, в суботу 26-го фебруара 2022-го року.
„Світова рада Русинôв высловлює солідарность Украйині, хоть до днешнього дня Украйина Русинôв, як народность не признала. Русины на Украйині жи́ють и самі свідчать о тій траґедії. В тых днях сьме стали свідками воєнськой атакы на Украйину з боку Російськой Федерації, з котров нихто з цівілізованого світа не може быти згодный. Солідарізуєме з нашыма людьми, як и з иншыма народами, котры жиють на Украйині. Світова рада Русинôв и нада́ле остає́тся вірна своюй місії – репрезентації русиньской идентичности (ідентіты) в країнах, де жи́ють Русины́. Зато́ и надале потребуєме од влады Украйины, жебы призна́ла Русинôв и їх права на основі Рамкового Договора, котрый Україна подписала 1-го фебруара 1995-го року и котрый вступив силу (здобыв платность) 1-го мая 1998-го року.
Мы и надале жадаєме, жебы «План вирішення проблем Українців-Русинів», прийн ятый 7-го октовбра 1996-го року и подписаный віцепремєром Україны І. Ф. Курасом, быв відміненый (анульованый). Надіямеся на скорішоє и мирноє вырішення даного конфлікта.“

https://www.lem.fm/vyholoshinya-svitovoj-rady-rusiniv-odnosno-situatsiyi-na-ukrayini/